ԱՆՕՐԻՆԱԿԱՆ՝ ՀԵՏԵՎԱԲԱՐ՝ ԱՆՎԱՎԵՐ ՄԻ ՊԱՅՄԱՆԱԳԻՐ
Միանալով Հայաստանում և աշխարհի տարբեր երկրներում բնակվող Հայության պայքարին՝ մեր բողոքն ենք արտահայտում՝ դատապարտելով ու մերժելով 100 տարի առաջ՝ 1921 թվականի մարտի 16 -ին Մոսկվայում կնքված ռուս-թուրքական՝ «եղբայրության և բարեկամության» պայմանագիրը, որի պատճառած աղետալի ճակատագրական հետևանքները Հայ ժողովրդի համար շարունակվում են մինչ օրս:
Միջազգային իրավունքի տեսանկյունից անվավավեր համարվող այս պայմանագրով Թուրքիային անցավ Հայաստանի Հանրապետության մի մասը՝ Կարսի նահանգը, որը, Ադրբեջանի խնամակալության ներքո որպես ինքնավար տարածք դրված Նախիջևանի մարզի պես, այսօր զրկված է հազարամյակների ընթացքում իր հայրենիքում բնակված բնիկներից՝ Հայերից ու նրանց ստեղծած մշակութային ժառանգությունից՝ հետևողականորեն Հայ ազգաբնակչության դեմ իրականացված ոճրագործ քաղաքականության հետևանքով:
Հ.գ. Որոշ մանրամասներ՝ ներքոնշյալ հղումներում…
Մոսկուայի պայմանագիրը պոլսահայ մամուլի էջերում (1921 թ.)